മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
ഈ മാസം സാമ്പത്തികമായി വളരെ അനുകൂലമായ ഒരു കാലഘട്ടമാണ്. ദീർഘകാലമായി നിലനിന്നിരുന്ന കോടതി വ്യവഹാരങ്ങൾ ഒരു ഒത്തുതീർപ്പിലൂടെ വിജയകരമായി പൂർത്തിയാക്കാൻ സാധിക്കും. അപ്രതീക്ഷിത ധനലാഭവും സർക്കാരിൽ നിന്നുള്ള ആനുകൂല്യങ്ങളും നിങ്ങളെ തേടിയെത്തും. റിയൽ എസ്റ്റേറ്റ് മേഖലയിൽ പ്രവർത്തിക്കുന്നവർക്ക് മികച്ച ലാഭം നേടാൻ സാധിക്കുന്ന സമയമാണ്. ജീവിതസൗകര്യങ്ങൾ വർദ്ധിക്കുമെങ്കിലും ആലോചനയില്ലാതെ എടുക്കുന്ന പെട്ടെന്നുള്ള തീരുമാനങ്ങൾ ഒഴിവാക്കണം. വിദ്യാർത്ഥികൾക്ക് കഠിനാധ്വാനത്തിലൂടെ ഉയർന്ന വിജയം നേടാനാകും. രാഷ്ട്രീയക്കാർക്കും ഉദ്യോഗസ്ഥർക്കും പദവികളിൽ ഉന്നതി പ്രതീക്ഷിക്കാം.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
വിദ്യാർത്ഥികൾക്ക് ഉന്നത വിദ്യാഭ്യാസത്തിനുള്ള മികച്ച അവസരങ്ങൾ ലഭിക്കുന്ന സമയമാണിത്. ആരോഗ്യപരമായ കാര്യങ്ങളിൽ, പ്രത്യേകിച്ച് തലവേദന, ത്വക്ക് രോഗങ്ങൾ എന്നിവ വർദ്ധിക്കാൻ സാധ്യതയുള്ളതിനാൽ കൂടുതൽ ശ്രദ്ധ നൽകണം. അനാവശ്യമായ കൂട്ടുകെട്ടുകളിൽ നിന്ന് ഒഴിഞ്ഞുനിൽക്കാൻ ശ്രദ്ധിക്കുക. കുടുംബത്തിൽ ചെറിയ അഭിപ്രായ വ്യത്യാസങ്ങൾ ഉണ്ടാവാം. ഭൂമി സംബന്ധമായ കാര്യങ്ങളിൽ ഒപ്പുവയ്ക്കുമ്പോഴും ഇടപാടുകൾ നടത്തുമ്പോഴും വളരെയധികം ശ്രദ്ധിക്കുക. വളരെക്കാലമായി കാത്തിരുന്ന ചില ആനുകൂല്യങ്ങൾ ഈ മാസം ലഭിച്ചേക്കാം. തൊഴിൽ രംഗത്ത് ഉണ്ടാകുന്ന അസ്വസ്ഥതകളെ സമചിത്തതയോടെ കൈകാര്യം ചെയ്യുന്നത് പുതിയ അവസരങ്ങളിലേക്ക് വഴി തുറക്കും..
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
ആരോഗ്യപരമായ കാര്യങ്ങളിൽ കൂടുതൽ ശ്രദ്ധ നൽകുന്നത് ഈ മാസം ഉചിതമായിരിക്കും. സമയത്തിന് ആഹാരം കഴിക്കാൻ കഴിയാതെ വരിക, ദേഹാസ്വാസ്ഥ്യങ്ങൾ, ഉഷ്ണ രോഗങ്ങൾ, നേത്ര സംബന്ധമായ അസുഖങ്ങൾ എന്നിവ പിടിപെടാൻ സാധ്യതയുണ്ട്. അമിതമായ കോപം നിയന്ത്രിക്കാൻ ശ്രദ്ധിക്കുക; ഇത് പല ദോഷാനുഭവങ്ങൾക്കും വഴിവച്ചേക്കാം. ജീവിത പങ്കാളിയുമായിട്ടുള്ള തർക്കങ്ങൾ മനസ്സിനെ അസ്വസ്ഥമാക്കിയേക്കാം. ഹൃദ്രോഗികൾ ആരോഗ്യ കാര്യങ്ങളിൽ പ്രത്യേക ശ്രദ്ധ നൽകേണ്ടത് അത്യാവശ്യമാണ്. അതേസമയം, ശുക്രൻ്റെ അനുകൂല സ്വാധീനമുള്ളവർക്ക് വേർപിരിഞ്ഞ ദമ്പതികൾ തമ്മിൽ ഒന്നിക്കാനും, ബിസിനസ്സിൽ വലിയ ഉയർച്ച നേടാനും സാധ്യതയുണ്ട്. ബന്ധങ്ങളിൽ പുതുജീവൻ ലഭിക്കുന്നത് മാനസിക സന്തോഷത്തിനും സാമ്പത്തിക അഭിവൃദ്ധിക്കും കാരണമാകും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
ഈ മാസം വൈകാരികമായി സ്വയം നിയന്ത്രിക്കുന്നത് വളരെ പ്രധാനമാണ്. അമിതമായ കോപശീലം കാരണം പല നല്ല അവസരങ്ങളും നഷ്ടപ്പെടാൻ സാധ്യതയുണ്ട്. കുടുംബാംഗങ്ങൾക്കോ പങ്കാളിക്കോ ചില ആരോഗ്യ പ്രശ്നങ്ങളോ അപകടങ്ങളോ സംഭവിക്കാൻ സാധ്യതയുള്ളതിനാൽ ശ്രദ്ധയും കരുതലും നൽകുക. വിനോദ മേഖലകളിലും സാഹസിക രംഗങ്ങളിലും പ്രവർത്തിക്കുന്നവർക്ക് തങ്ങളുടെ കഴിവുകൾ പ്രകടിപ്പിക്കാനും അതിലൂടെ സാമ്പത്തിക നേട്ടങ്ങൾ നേടാനും സാധിക്കും. സാമ്പത്തിക കാര്യങ്ങളിൽ കൂടുതൽ ശ്രദ്ധ നൽകുന്നത് ഉചിതമാണ്; ധനനഷ്ടം ഉണ്ടാകാൻ സാധ്യത കാണുന്നു. വിശ്വസ്തരിൽ നിന്നുള്ള വഞ്ചനകൾ നേരിടേണ്ടി വന്നേക്കാമെന്നതിനാൽ വിവേകത്തോടെ പെരുമാറുന്നത് മാനസിക സംഘർഷം കുറയ്ക്കും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
ഉന്നത വിദ്യാഭ്യാസത്തിനും വിദേശജോലിക്കും ശ്രമിക്കുന്നവർക്ക് ഈ മാസം വളരെ അനുകൂലമാണ്. നിലവിൽ ജോലി ചെയ്യുന്നവർക്ക് വിദേശ കമ്പനികളിൽ നിന്ന് ആകർഷകമായ അവസരങ്ങൾ ലഭിക്കാൻ സാധ്യതയുണ്ട്. അപ്രതീക്ഷിതമായ ധനഭാഗ്യം ഈ മാസം തേടിയെത്തും. പുതിയ ബിസിനസ് സംരംഭങ്ങൾ തുടങ്ങാനും നിലവിലുള്ളവ വികസിപ്പിക്കാനും ഇത് മികച്ച സമയമാണ്. ഭക്ഷണ സുഖം, കുടുംബത്തിൽ സന്തോഷം, രോഗങ്ങളിൽ നിന്ന് മോചനം, വാഹന ഭാഗ്യം, ആഭരണങ്ങൾ പോലുള്ള വിലപിടിപ്പുള്ള വസ്തുക്കളുടെ വർദ്ധനവ് എന്നിവയും ഈ മാസം പ്രതീക്ഷിക്കാം. സർക്കാർ, അർദ്ധസർക്കാർ സ്ഥാപനങ്ങളിൽ ജോലി ചെയ്യുന്നവർക്ക് സ്ഥാനക്കയറ്റം ലഭിക്കാനും സാധ്യതയുണ്ട്.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
ധനപരമായ നേട്ടങ്ങൾ, ബിസിനസ്സിലെ പുരോഗതി, കുടുംബത്തിൽ സന്തോഷം, പുതിയ വീട് വാങ്ങാനുള്ള യോഗം എന്നിവ ഈ മാസം പ്രതീക്ഷിക്കാം. വിദേശവാസം, ദാമ്പത്യ ഐക്യം, വിവാഹം, ആഭരണങ്ങൾ സ്വന്തമാക്കൽ, കീർത്തി എന്നിവയും നിങ്ങളെ തേടിയെത്തും. കാന്തിരുന്ന നിയമന ഉത്തരവുകൾ ലഭിക്കാനും സർക്കാർ സേവനത്തിലേക്ക് പ്രവേശിക്കാനും സാധ്യതയുണ്ട്. കലാ രംഗത്ത് പ്രവർത്തിക്കുന്നവർക്ക് കഴിവുകൾ പ്രകടിപ്പിക്കാനും അംഗീകാരം നേടാനും മികച്ച അവസരങ്ങൾ ലഭിക്കും. പൊതുവേ, മനസ്സിൽ വിചാരിക്കുന്ന കാര്യങ്ങൾ സഫലമാകുന്ന സമയമാണിത്. പിതൃസ്വത്ത് ലഭിക്കുകയോ കുടുംബസ്വത്തുക്കൾ വിജയകരമായി വീതിക്കുകയോ ചെയ്തേക്കാം.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
പുണ്യസ്ഥലങ്ങളിലേക്കുള്ള തീർത്ഥയാത്രകൾക്ക് ഈ മാസം അവസരങ്ങൾ ലഭിക്കും. എന്നാൽ അമിതമായ കോപവും വൈകാരിക പ്രകടനങ്ങളും പ്രശ്നങ്ങൾ സൃഷ്ടിക്കാതിരിക്കാൻ ശ്രദ്ധിക്കുക. ചില വേർപാടുകൾ നേരിടേണ്ടി വരാം; മുൻപുണ്ടായിരുന്ന കടമകൾ പൂർത്തീകരിക്കേണ്ടി വരാനും സാധ്യതയുണ്ട്. അനാവശ്യമായ കൂട്ടുകെട്ടുകൾ മാനഹാനിക്കും സാമ്പത്തിക നഷ്ടത്തിനും കാരണമായേക്കാം. എങ്കിലും, കല, സാഹിത്യം, സംഗീതം തുടങ്ങിയ മേഖലകളിൽ പ്രവർത്തിക്കുന്നവർക്ക് പുതിയ അവസരങ്ങൾ തുറന്നുകിട്ടും. കഴിവുകൾ അംഗീകരിക്കപ്പെടുകയും പ്രോത്സാഹനം ലഭിക്കുകയും ചെയ്യും. ആരോഗ്യ കാര്യങ്ങളിൽ കൂടുതൽ ശ്രദ്ധയും കരുതലും ആവശ്യമാണ്.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
പങ്കാളിയുമായോ പങ്കാളിയുടെ ബന്ധുക്കളുമായോ ചില തർക്കങ്ങൾക്ക് സാധ്യതയുണ്ട്. അന്യരുടെ വാക്കുകൾ വേദനിപ്പിച്ചേക്കാം; സുഹൃത്തുക്കളിൽ നിന്നുള്ള വഞ്ചന ചിലപ്പോൾ വലിയ പ്രശ്നങ്ങളിലേക്ക് നയിച്ചേക്കാമെന്നതിനാൽ ജാഗ്രത വേണം. ഉറക്കക്കുറവ്, പഠനത്തിൽ തടസ്സങ്ങൾ, സാമ്പത്തിക ക്ലേശങ്ങൾ എന്നിവയും അനുഭവപ്പെട്ടേക്കാം. എന്നാൽ, വ്യാഴത്തിൻ്റെ അനുകൂല സ്വാധീനമുള്ളവർക്ക് കൃഷി, പക്ഷി-മൃഗാദികളുടെ വിപണനം എന്നിവയിൽ നിന്ന് വലിയ ധനലാഭം, വാഹനഭാഗ്യം എന്നിവ പ്രതീക്ഷിക്കാം. ഈ മേഖലകളിൽ നിന്ന് അപ്രതീക്ഷിത നേട്ടങ്ങൾ ഉണ്ടാകാനും സാമ്പത്തിക സ്ഥിതി മെച്ചപ്പെടാനും സാധ്യതയുണ്ട്. വെല്ലുവിളികളെ അതിജീവിക്കാൻ ആത്മവിശ്വാസം സഹായകമാകും..
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
ഈ മാസം ചില മാനസിക വെല്ലുവിളികളെ നേരിടേണ്ടി വന്നേക്കാം, പ്രത്യേകിച്ച് ബന്ധങ്ങളിൽ. തെറ്റിദ്ധാരണകളും ആശയവിനിമയത്തിലെ പ്രശ്നങ്ങളും ദാമ്പത്യ ജീവിതത്തിൽ അസ്വസ്ഥതകൾക്കും ബിസിനസ് പങ്കാളിത്തത്തിൽ അഭിപ്രായവ്യത്യാസങ്ങൾക്കും വഴിവെച്ചേക്കാം. മനസ്സ് അസ്വസ്ഥമാകുന്നതിനാൽ പ്രധാനപ്പെട്ട തീരുമാനങ്ങൾ എടുക്കാൻ ബുദ്ധിമുട്ട് തോന്നാം; അനാവശ്യമായ ഉത്കണ്ഠകൾ വർദ്ധിക്കുകയും ചെയ്യും. ദമ്പതികൾക്കിടയിൽ ഐക്യത കുറയാനും, പങ്കാളിക്കോ മക്കൾക്കോ ആരോഗ്യ പ്രശ്നങ്ങൾ വരാനും സാധ്യതയുണ്ട്. കുട്ടികളുടെ ആരോഗ്യസ്ഥിതി മോശമാകുന്നതും പഠനത്തിൽ ശ്രദ്ധക്കുറവ് അനുഭവപ്പെടുന്നതും ചെറിയ ആശങ്കകൾക്ക് കാരണമാകളും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
വിദ്യാവിജയം, വിദ്യാഭ്യാസ കാര്യങ്ങൾക്കായി വിദേശ യാത്ര, താമസം എന്നിവ ഈ മാസം അനുഭവത്തിൽ വരും. ഉപരിപഠനത്തിനായി വിദേശത്തേക്ക് പോകാൻ ആഗ്രഹിക്കുന്നവർക്ക് മികച്ച അവസരങ്ങൾ ലഭിക്കും. ശത്രു ഹാനി, രോഗ ശാന്തി, കാര്യവിജയം, കുടുംബത്തിൽ മംഗളകർമങ്ങൾ, ജീവിത സൗഭാഗ്യം എന്നിവ ഈ മാസത്തിൻ്റെ പ്രത്യേകതകളാണ്. അപ്രതീക്ഷിതമായ ഭാഗ്യ അനുഭവങ്ങളോ സമ്മാനങ്ങളോ ഈ സമയത്ത് പ്രതീക്ഷിക്കാം. ആഗ്രഹിച്ച കാര്യങ്ങൾ നടക്കുകയും കുടുംബത്തിൽ സന്തോഷകരമായ ഒരന്തരീക്ഷം നിലനിൽക്കുകയും ചെയ്യും. ജീവിതനിലവാരം ഉയർത്താനും സാമ്പത്തിക സ്ഥിതി മെച്ചപ്പെടുത്താനും സാധിക്കുന്നതാണ്.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
സംസാരം മൂലം ചില ദോഷങ്ങൾ വരാനിടയുള്ള സമയമായതിനാൽ വാക്കുകളിൽ നിയന്ത്രണം ആവശ്യമാണ്. അനാവശ്യമായ കൂട്ടുകെട്ടുകൾ വഴി നിയമപരമായ പ്രശ്നങ്ങളോ അപ്രീതിയോ നേരിടാനുള്ള സാധ്യതയുണ്ട്; അതിനാൽ അതീവ ജാഗ്രത പാലിക്കുക. അടുത്ത ബന്ധുക്കളിൽ നിന്നോ സുഹൃത്തുക്കളിൽ നിന്നോ ചില ദോഷാനുഭവങ്ങൾ ഉണ്ടായേക്കാം. എന്നിരുന്നാലും, ഭൂമി ലാഭം, വാഹന ഭാഗ്യം, മേലധികാരിയുടെ പ്രശംസ എന്നിവയും ഈ മാസം ലഭിക്കും. വാത, പിത്ത രോഗങ്ങളുള്ളവർ ആരോഗ്യ കാര്യങ്ങളിൽ കൂടുതൽ ശ്രദ്ധിക്കുക. തൊഴിൽ ഇടങ്ങളിൽ ചില ശത്രുതകൾ വരാനിടയുണ്ട്. മാനസികമായ വെല്ലുവിളികളെ അതിജീവിച്ച് മുന്നോട്ട് പോകാൻ സാധിക്കും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
ഭൂമി സംബന്ധമായ കാര്യങ്ങളിൽ ചില നഷ്ടങ്ങൾ വരാൻ സാധ്യതയുള്ളതിനാൽ വലിയ ഇടപാടുകൾ തൽക്കാലം മാറ്റിവെക്കുന്നത് ഉചിതമായിരിക്കും. ലഹരിവസ്തുക്കളിൽ നിന്ന് വിട്ടുനിൽക്കുന്നതും ആരോഗ്യ കാര്യങ്ങളിൽ ശ്രദ്ധിക്കുന്നതും ദോഷഫലങ്ങൾ കുറയ്ക്കും. കുടുംബത്തിൽ സ്വസ്ഥത കുറയാനും ചില തെറ്റിദ്ധാരണകൾ വരാനും സാധ്യതയുണ്ട്. അനാവശ്യ ബന്ധങ്ങൾ വഴി മാനഹാനിയും സാമ്പത്തിക നഷ്ടവും വരാനിടയുള്ളതിനാൽ അതീവ ശ്രദ്ധ പുലർത്തണം. തൊഴിലിൽ ക്ലേശങ്ങൾ വർദ്ധിക്കാനും മേലധികാരിയുടെ അപ്രീതിക്ക് പാത്രമാകാനും സാധ്യതയുണ്ടെങ്കിലും, സാമ്പത്തിക കാര്യങ്ങളിൽ ഗുണദോഷ സമ്മിശ്രമായ അനുഭവങ്ങൾ ആയിരിക്കും ഉണ്ടാകുക.
ദിവസേനയുള്ള ജ്യോതിഷ പ്രവചനങ്ങളും കൃത്യതയാർന്ന ഫലങ്ങളും മൊബൈലിൽ നേരിട്ട് ലഭ്യമാക്കുന്നതിനായി താഴെ നൽകിയിരിക്കുന്ന ഫോം പൂരിപ്പിക്കാവുന്നതാണ്.
https://forms.gle/yLwu67RCjgafvNiZ8
തയ്യാറാക്കിയത് ജയറാണി ഇ വി : +91 9746 812 212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
അറിയിപ്പ്:
പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.
